By: Ahber Chishti
اساں ملک سمبھالن نکلیں ساں، اساں اپنی کرنی بھُل گئے
چوراں توں مال کڈاناں سی کر آپ کرپشن رُل گئے
اساں آٹا، چینی، دہی، دلیہ، پٹرول تے گیس گھٹانا سی
اساں قرضے وی نئی لینے سی،اساں قرضے لین تے تُل گئے
سانوں بتی بوت روایا اے،، پانی وی کٹ ہی آیا اے
ایتھے گلیاں، نکراں چکڑنیں، اسی کُوڑے دے وچ کُل گئے
مزدور تے آفت آئی اے عیار دی خوب ودھائی اے
سب دعوے وعدے لیڈر دے ہو دیوے وانگوں گُل گئے
انصاف دی اے تے رِیت نئیں توکھے دی کوئی دیت نئیں
ہن کون دلاسا دیوے گا جد وِک سارے بے مُل گئے
میں دیس دی حالت ویکھی تے میرا دِل وی عہبر بھَر آیا
کج خواب سجے سن اکھیاں وچ او خاب نمانے ڈُل گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?