By: AzharM
بھلائی جان کے بھر دو ایاغ، تھوڑا سا
کریدنا ہے مجھے دل کا داغ، تھوڑا سا
مسافرت میں بس اتنی سی میری خواہش ہے
شجر کی گود میں پاؤں فراغ تھوڑا سا
یہ کیا کہ تُم نے عداوت یہاں بھی دکھلا دی
بھرا ہے گھی سے جو میرا چراغ، تھوڑا سا
نشے میں باد صبا تھی کہ زُلف چھو آئی
ہے گُل سرور میں ، مخمور باغ ، تھوڑا سا
نظر پڑی ہے جو دل پر، ہیں نقش پا تیرے
ملا تو دل کی لگی کا سُراغ، تھوڑا سا
حقیقتیں ہیں بڑی تلخ، ہے دعا اظہر
قبول ان کو بھی کر لے دماغ ، تھوڑا سا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?