By: wasim ahmad moghal
زخم کا اِندمال ۔۔۔۔۔۔کون کرے
دوستو یہ کمال۔۔۔۔۔ کون کرے
محفلِ رنگ و نور میں۔۔۔ اے دل
ذکرِ رنج و ملال ۔۔۔۔۔کون کرے
دل کے چھوٹے سے ایک ٹکڑے پر
اِس قدر قیل و قال ۔۔کون کرے
حسن کی بے حجابیاں۔۔۔۔۔۔ توبہ
دردِ دل لا زوال ۔۔۔۔کون کرے
کس کو فرصت ہے اے ۔غمِ ہستی
فکرِ ہجر و وصال ۔۔۔۔کون کرے
آج کل عشق کے جھمیلوں ۔۔میں
زندگی پائمال۔۔۔۔۔کون کرے
اِس کو رہنے دو اُس کے پاس وسیم
ٹوٹے دل کا سوال۔۔ کون کرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?