By: وشمہ خان وشمہ
کاوش نمبر 3۔۔ وشمہ خان وشمہ
تیری آنکھوں میں بے رخی ہے ابھی
تیرے ہونٹوں پہ جو ہنسی ہے ابھی
جا چکا ہے وہ چاند سے آگے
پھر بھی وحشت میں آدمی ہے ابھی
اتنے بخشے تھے تم نے غم ہم کو
اپنی آہوں سے دل لگی ہے ابھی
لڑ رہے ہیں سبھی ہواؤں سے
جن چراغوں میں روشنی ہے ابھی
بات پہنچی نہیں رقیبوں تک
اپنی سب سے ہی دوستی ہے ابھی
کیسے روشن ہو بزم جاں ، جاناں!
چشم زنداں میں تیرگی ہے ابھی
مل کے لگتا ہے تم سے اے وشمہ
زندہ زندہ سی زندگی ہے ابھی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?