By: Aslam Shahid
شیخ کے من کی کالک بھی تو دیکھی ہوتی
بس چہرے پر نور برستا دیکھ لیا ہے
غم دنیا کے جبڑے کھولے گھور رہے ہیں
انہوں نے بھی اک دل خستہ دیکھ لیا ہے
سات ورق کا ایک رسالہ پڑھ نہیں پائے
فرصت کم تھی ‘ جستہ جستہ دیکھ لیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبت اس قدر جب ہو تو پھر اظہار بے معنی
مرا اصرار بے معنی ‘ ترا انکار بے معنی
اگر تا ریک راہوں میں نہ انکے دیپ جلتے ہوں
تو پھر اسلوب لا حاصل‘ تو پھر اشعار بے معنی
اگر مخلوق کی الفت نہیں ہے جا گزیں دل میں
یہ اوراد و وظائف ہیں میری سرکار بے معنی
حیا سے نہ گر جھکتی ہوں تو پھر آنکھوں میں کیا خوبی
نہ جھلکے لاج کی سرخی تو پھر رخسار بے معی
زمانے کا فسانہ تو بہر صورت مکمل تھا
ہے اسلم اس کہانی میں ترا کردار بے معنی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?