By: وشمہ خان وشمہ
کوئی فقیر کوئی قلندر نہیں ملا
دشوار راہ میں کوئی رہبر نہیں ملا
صحرا کی خاک چھان کے دیکھا ہے بار بار
پیاسی ہی رہ گئی میں سمندر نہیں ملا
راحت ملے ذرا مری آنکھوں کو دیکھ کر
ایسا حسین کوئی بھی منظر نہیں ملا
حق بات پر اٹھائے جو تلوار ہاتھ میں
ایسا کوئی جہان میں لشکر نہیں ملا
ٹھوکر بھی نہ لگے کوئی منزل بھی پائے ہم
اتنا حسین ہم کو مقدّر نہیں ملا
گوتے سمندروں میں لگا ئے ہزار بار
پھر بھی تو قیمتی کوئی گوہر نہیں ملا
وشمہ بھٹک رہی ہوں میں در در ابھی تلک
پائے سکون ایسا کوئی در نہیں ملا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?