By: Dr.Zahid Sheikh
رنگ چہرے کا نکھر آیا خداخیر کرے
حسن شوخی پہ اتر آیا خدا خیر کرے
گنگناتا ہوا ، بل کھاتا وہ لہراتا ہوا
زلف کھولے ہوئے کچھ حسن پہ اتراتا ہوا
مسکراتا میرے گھر آیا خدا خیر کرے
حسن شوخی پہ اتر آیا خدا خیر کرے
اس کی آنکھوں میں شرارت بھی ہے اور شوخی بھی
تھوڑا تھوڑا سا بہکنے کی ہے کچھ مرضی بھی
اک نشہ آنکھوں میں بھر آیا خدا خیر کرے
حسن شوخی پہ اتر آیا خدا خیر کرے
دیکھ کر مجھ کو وہ ہنستا ہے بڑے زوروں سے
ڈر نہیں لگتا اسے تھوڑا سا بھی اوروں سے
بانہیں کھولے وہ ادھر آیا خدا خیر کرے
حسن شوخی پہ اتر آیا خدا خیر کرے
رنگ چہرے کا نکھر آیا خدا خیر کرے
حسن شوخی پہ اتر آیا خدا خیر کرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?