By: Prof Dr Mujeeb Zafar Anwar Hameedi
بات ہوتی ہے جو اس دل کو دُکھانے والی
اِک اُسی بات کو ہم یاد سدا رکھتے ہیں
ہم گُہر کو کبھی مٹی نہیں ہونے دیتے
غمِ جاناں کو غمِ دنیا سے جُدا رکھتے ہیں
غم کے موتی جہاں ملتے ہیں ، اُٹھا لیتے ہیں
دل کے کشکول کو ہر وقت بھرا رکھتے ہیں
ہم جو خاموش ہیں ، ہرگز ہمیں بے حس نہ کہو
عرش تک کو ہلادیں وہ صدا رکھتے ہیں
لوگ تو کعبے میں بھی جاکے رہے ہیں محروم
ہم تو اِس دل میں بھی موجود خدا رکھتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?