By: Riffat Yasmin
نہ وہ روکنے سے بھی رُک سکے بلا اِنتظار چلے گیۓ
لیۓ دِل میں دید کی آرزوُ تِرے بیقرار چلے گیۓ
تِرا حق تھا میرے وجود پر نہ توُ پا سکا مِری روُح کو
تِرے ظرف سے جو بلند تھے سبھی اِختیار چلے گیۓ
یہ تلاش تیری فضوُل ہے یہاں کویٔ اہلِ وفا نہیں
،، جنھیں جرمِ عشق پہ ناز تھا وہ گناہگار چلے گیۓ ،،
تِرے واسطے جو مذاق تھا مِری زندگی وہ بدل گیا
توُ گیا تو جو مِرے رُخ پہ تھے وہ سبھی نکھار چلے گیۓ
جو عزیز رکھتے تھے جان کو وہ قدم نہ آگے بڑھا سکے
جنھیں حرفِ حق پہ یقین تھا وہی سوُۓ دار چلے گیۓ
وہ جو لوگ شوخ و شریر تھے تِری چاہتوں کے اسیر تھے
تِرے ذہن پر،تِری سوچ پر جو بنے تھے بار چلے گیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?