By: Azra Naz
کریں گے وہ حقیقت کو قبول آہستہ آہستہ
سمجھ جایںٔ گے اُلفت کے اصوُل آہستہ آہستہ
ہرے ساون کی ہر اِک بوُند گویا دِل پہ گِرتی ہے
کِھلا جاتا ہے میرے دِل کا پھوُل آہستہ آہستہ
ابھی بھاتی ہے تجھ کو رونقِ دنیا بہت لیکن
لگے گا تجھ کو بھی سب کچھ فضوُل آہستہ آہستہ
کہاں پہلی نظر میں ہم نے اپنے دِل کو ہارا تھا
ہویٔ تھی ہم سے بھی چاہت کی بھوُل آہستہ آہستہ
ابھی تازہ محبت ہے ذرا باسی تو ہونے دے
لگیں گے پھوُل بھی تجھ کو ببوُل آہستہ آہستہ
نیا ہے شہر میں ، اُس کو ہوا دُنیا کی لگنے دو
بدل جایںٔ گے سب اُس کے اصوُل آہستہ آہستہ
میں اکثر سو چتی رہتی ہوں میرے شیشۂ دِل پر
نہ جم جاۓ کہیں لمحوں کی دھوُل آہستہ آہستہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?