By: وشمہ خان وشمہ
شعر اپنے ہیں جاوداں وشمہ
سارا عالم ہے رازداں وشمہ
میری آنکھوں میں اب بھی زندہ ہے
اس کی چاہت کا اک جہاں وشمہ
کبھی فرصت ملے تو پڑھ مجھکو
میں بھی تیری ہوں داستاں وشمہ
اپنی اپنی ہی سب کی چاہت ہے
اپنی اپنی ہے کہکشاں وشمہ
میں نے دیکھا ہے غیر کے در پر
وہ جو میرا تھا ہم زباں وشمہ
پھر سے ماضی میں لو ٹ آؤنا
چھپ کے بیٹھی ہو تم کہاں وشمہ
بیچ دریا بھی سب سلامت ہیں
میری کشتی کے بادباں وشمہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?