By: Anwar Kazimi
وہ میری داستاں مجھکو سنا کے روئے تو کیا
خود اپنے ساتھ مجھے بھی رُلا کے روئے تو کیا
نہ اب ِکھلے گا کوئی پھول دشتِ امکاں میں
وہ میرے حال پہ یوں منہ چھپا کے روئے تو کیا
اگر نہیں تھا کوئی راستہ پلٹنے کا
خود اپنے ہاتھ سے کشتی جلا کے روئے تو کیا
اب اتنی بار تو مرنے کا حوصلہ بھی نہیں
وہ بار بار مجھے آزما کے روئے تو کیا
سنو یہ درد کا رشتہ تم ہی نے جوڑا تھا
پھر اسکے بعد گلے سے لگا کے روئے تو کیا
بھر ی بہاَر میں اب سینہ پیٹتی ہے ہوا
وہ شہرِ دل میں تباہی مچا کے روئے تو کیا
نہ ہو گی ختم کبھی کج رَوی زمانے کی
جو دوست ہم کو تماشہ بنا کے روئے تو کیا
یہ ڈھو نگ کیسا ہے کچھ تو دلِ ہز یں سے کہو
ذرا سی بات پہ اُدھم مچاَ کے روئے تو کیا
سبھی کو دُکھ ہے ، ہمیں بھی ملال ہے انور
زمانہ آپ کو ا تنا رُلا کے روئے تو کیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?