By: Dr.Muhammed Husain Mushahid Razvi
آپ معظّم آپ مکرّم صلی اللہ علیہ وسلم
مُرسلِ اعظم نورِ مجسّم صلی اللہ علیہ وسلم
آپ محمد آپ ہیں احمد آپ ہیں محمود آپ ہیں حامد
آپ سراپا رحمتِ عالم صلی اللہ علیہ وسلم
آپ ہیں یسٰٓ آپ ہیں طہٰ آپ ہیں فرقاں آپ ہیں قرآں
خالقِ کل کے نائبِ اکرم صلی اللہ علیہ وسلم
آپ ہیں طیب آپ ہیں طاہر آپ ہیں حاضر آپ ہیں ناظر
آپ ہیںحاشر آپ ہیں عالم صلی اللہ علیہ وسلم
نخلِ جہاں کے اصلِ متیں ہیں آپ ہیں عاقب نورِ مبیں ہیں
دَورِ رسالت کے ہیں خاتم صلی اللہ علیہ وسلم
آپ نہ ہوتے کچھ بھی نہ ہوتا آپ کے دم سے عالم چمکا
آپ ہیں وجہِ خلقتِ آدم صلی اللہ علیہ وسلم
دیدیں مُشاہدؔ کو بھی آقا ، آپ کے در کا ہے یہ منگتا
رزقِ خدا کے آپ ہیں قاسم صلی اللہ علیہ وسلم
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?