By: Dr.Zahid Sheikh
۔۔۔۔۔۔۔۔۔۔۔۔۔۔۔۔۔۔۔۔لڑکی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاندنی رات ہے اور پیار بھرا موسم ہے
ساتھ ہو تم تو کسی بات کا پھر کیا غم ہے
تم نے چھوا جو بدن جھوم کے میں لہرائی
گرم جذبات نے لی دل میں مرے انگڑائی
آکے بانہوں میں تمھاری نہ پگھل جاؤں کہیں
رنگ کچھ اور دکھا دے نہ کہیں تنہائی
ٹھنڈی ٹھنڈی ہے پون اور فضا بھی نم ہے
چاندنی رات ہے اور پیار بھرا موسم ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاندنی رات ہے اور پیار بھرا موسم ہے
تیری آواز کی کانوں میں بجی سرگم ہے
تیری ان شوخ اداؤں نے کیا ہے جادو
مجھ کو بہکانے لگی تیرے بدن کی خوشبو
چھو لوں ان پھول سے ہونٹوں کو مجھے حق دے دے
میری تقدیر ہے تو اور مری زیست بھی تو
پیاس باقی ہے مری ، پیار ابھی یہ کم ہے
چاندنی رات ہے اور پیار بھرا موسم ہے
۔۔۔۔۔۔لڑکی ۔۔۔۔۔۔۔۔۔۔
چاندنی رات ہے اور پیار بھرا موسم ہے
ساتھ ہو تم تو کسی بات کا پھر کیا غم ہے
۔۔۔۔۔۔لڑکا۔۔۔۔۔۔۔۔۔۔۔۔۔
چاندنی رات ہے اور پیار بھرا موسم ہے
تیری آواز کی کانوں میں بجی سرگم ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?