By: NEHAL INAYAT GILL
کنوں دل دا حال سناواں
کنوں دل دے زخم وکھاواں
نہ نال میرا کوئی سنگی
مینوں عشق ترے دی تنگی
میں چادرے وچ وی ننگی
کتے خود نُوں جا چھپاواں
کنوں دل دے زخم وکھاواں
ساڈا محرم دل دا تُوں اے
شاہ عشق محل دا تُوں اے
سب نیچ جائل دا تُوں اے
تینوں کیویں میں دس بھلاواں
کنوں دل دے زخم وکھاواں
آس رب اُتے میں لا کے
دیوا یار اُمید جا کے
ہٹھ چُک کے سر جھکا کے
میں منگاں روز دعاواں
کنوں دل دے زخم وکھاواں
نہال گلاں دے چھڈ دے اَڑیاں
آساں ترے توں مینوں بڑیاں
سہہ لیواں گا دُکھ دیاں گھڑیاں
جے ترے نیڑے بہہ جاواں
کنوں دل دے زخم وکھاواں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?