By: ارشد ارشیؔ
اندھیری رات کو جوسجاتی ہے چاندنی
منظر وہ کتنے پیارے دکھاتی ہے چاندنی
ہوتی ہے چودھویں کو بہت ہی حسیں مگر
ہر پل ملن کی پیاس جگاتی ہے چاندنی
دن بھر جسے بھلانے کی کرتے ہیں جستجو
شب بھر اسی کی یاد دلاتی ہے چاندنی
اک روز ساتھ تم بھی چلے آؤ میرے پاس
ہر روز تیرے صحن سے آتی ہے چاندنی
اک سایہ میرے ساتھ ہوجاتا ہے شب کو
جب بھی مرے وجود پہ آتی ہے چاندنی
کتنی حسین لگتی ہے ساحل پہ بکھری ریت
جب چاند سے زمین پہ آتی ہے چاندنی
آنگن میں تنہا بیٹھ کے ارشیؔ کیا کرے
اس بے وفا کی یاد دلاتی ہے چاندنی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?