By: muhammad nawaz
دنیا سے سروکار نہ اپنی خبر مجھے
ہے یاد فقط پیار کی پہلی نظر مجھے
شاید میں انکی ذات کا بچھڑا وجود ہوں
یوں مل رہے آج بھی ویراں شجر مجھے
خالی ہیں جسکے ہاتھ مرے خواب کی صورت
چاہا تھا کبھی اس نے بہت ٹوٹ کر مجھے
دل ہے کسی بھی طور بہلنے سے گریزاں
وہ اک خیال لے گیا جانے کدھر مجھے
منزل ہے اسکی اور مگر اتنا یقیں ہے
سوچے گا بہت دیر میرا ہمسفر مجھے
میں اشک کی صورت کہیں قدموں میں گرا تھا
پلکوں پہ ڈھونڈتی رہی باد سحر مجھے
طوفاں بن کے ٹوٹ پڑی سرپھری ہوا
وہ نقش کر رہا تھا ابھی ریت پر مجھے
ممکن ہے تری تجھ سے ملاقات کرا دوں
فرصت ملے تو سوچ کبھی ڈوب کر مجھے
تھاما ہے ترا ہاتھ میرے ذوق جنوں نے
لرزیدہ کر نہ پائے گا اب کوئی ڈر مجھے
میں زندگی کے تھوڑے حسابات چکا لوں
اے موت ساتھ لے کے ہی جانا-ٹھہر ! مجھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?