By: Dr. Shakira Nandini
اس نے مجھ سے پوچھا
علم کیسے ملے؟
میں نے کہا
کوشش سے
اس نے کہا
عمل کیسے ہو اس پر؟
میں نے کہا
نیت سے
اس نے کہا
نیت کیسے بنے ؟
میں نے کہا
ارادوں سے
اس نے پوچھا
ارادے کیسے بنیں؟
میں نے کہا
نیت کے خالص ہونے سے
اس نے کہا
نیت خالص کیسے ہو ؟
میں چپ رہی
کہ کیا بولوں
مال کے خالص ہونے سے بولوں
عبادت کے خالص ہونے کو لکھوں
شخصیت کی تعمیر کے خالص ہونے کو
سوچ کے خالص ہونے کو لکھوں نفس سے
یا نفسیات کے خالص ہونے کو لکھوں فحاشی سے
اپنی معاشرت یا معیشت کو خالص لکھوں غبن سے
یا عبادات کے خالص ہونے کو لکھوں فائدے سے
پھر یوں ہوا کہ چپ طوالت پکڑ تی گئی
میں سوچتی ہی رہی وہ پوچھتا ہی رہا
یہاں تک کہ نا خالص عمر کی مدت تمام ہوئی۔
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?