By: shahzad hussain sa'yl
ابھی تیرا طفلِ عروج ہے تجھے پستیوں کی خبر نہیں
تو سمجھتا خود کو عظیم ہے تجھے ہستیوں کی خبر نہیں
ترے چار سو مرے چارہ گر ابھی دوستوں کا ہجوم ہے
تو ہے چاہتوں کے جہان میں تجھے تلخیوں کی خبر نہیں
ترا چلنا اپنی انا میں اور ترا گانا اپنی ثنا میں خود
یہ تو دل فریب ہیں مشغلے تجھے مستیوں کی خبر نہیں
سرِ عام تو نہ یہ بات کر کہ بہت ہوں خوش میں جی آجکل
ترا چھین لیں گے یہ سب یہاں تجھے بستیوں کی خبر نہیں
یہاں جو بھی آیا وہ لٹ گیا نہ سنبھل سکا نہ پلٹ سکا
مری بات سن تو نہ آیا کر تجھے میکدوں کی خبر نہیں
ترا دیکھنا مجھے بار بار یوں سب کے بیٹھ کے درمیاں
ترا بانکپن ہے نیا نیا تجھے محفلوں کی خبر نہیں
ابھی اور کتنا ستاؤ گے یہاں تم ہی لوٹ کر آؤ گے
مجھے اور کتنا جگاؤ گے تجھے رتجگوں کی خبر نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?