By: ZIA ULLAH TAHIR
شب فتنہ ساماں چاروں طرف
روز نیا جہاں چاروں طرف
میں تنہا محفل میں لیکن
میرے بد گماں چاروں طرف
میری کہانی ، میری بے زبانی
میرے بد زباں چاروں طرف
ساحل ہے نہ کشتی میری
مگر بحر بے کراں چاروں طرف
رقصاں ہے لاشوں کا ہجوم
بے کفن انساں چاروں طرف
یزید شہر کا سنتے ہیں
عجب سا اعلاں چاروں طرف
ستم اتنا عام ہو گیا
پھیل گئی داستاں چاروں طرف
شرمانے لگی ہے شام کر بلا
حکائت خون چکاں چاروں طرف
ہر شخص سوچ میں گرفتار
کیسا ہے امتحاں چاروں طرف
شب تیرہ ، اس پر مزید
طوفان باد و باراں چاروں طرف
رہبر ہے نہ کوئی رہنما
کارواں منتشر پریشاں چاروں طرف
بے نشاں ، امن و اماں سارا
موت کا ساماں چاروں طرف
کرتا ہے ادا ہر شخص طاہر
یہاں رسم سوگواراں چاروں طرف
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?