By: وشمہ خان وشمہ
بنتِ حوا راحتِ جاں راحتِ انسان ہے
روحِ آدم پر خدا کا یہ بڑا احسان ہے
جس کے دم سے ہے منور دوستو یہ کائنات
اپنے گھر میں چند پل کی وہ حسیں مہمان ہے
یہ محبت سے بناتی ہے مکاں کو آشیاں
یہ معطر اپنی ہستی میں حسیں گلدان ہے
قلب انساں کے لئے جو باعثِ تسکین ہے
نارسائی سہتے سہتے درد سے ہلکان ہے
وقت کے بازار میں یہ عکس وشمہ دیکھ کر
دم بہ خود یہ سوچ کے میدان میں حیران ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?