By: Anwar Kazimi
سب پہ وہ مہربان رہتا ہے
ہم سے ہی بد گمان رہتا ہے
دل کا وہ حال ہے تمہارے بعد
جیسے خالی مکان رہتا ہے
وقت نا مہرباں ہے ، اور مجھکو
کیسا کیسا گمان رہتا ہے
مل تو لیتے ہیں ہم گلے لیکن
فاصلہ درمیان رہتا ہے
کیوں چھپاتےہو اشک آ نکھوں میں
کس کو ا تنا دھیان رہتا ہے
شکر کیجئے کہ خانہء دل میں
کوئی تو سخت جان رہتا ہے
وقت کو یوں نہ رائگاں کیجئے
آ خری اِمتحان رہتا ہے
زخم بھر جاتا ہے مگر انور
ایک گہرا نشان رہتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?