By: AzharM
دلرُبا اور دلنشیں ہوں گے
دل میں عاشق کے جو مکیں ہوں گے
بزم جب جب سجے گی یاروں کی
ہم جو زندہ ہوئے ، وہیں ہوں گے
ہم نہ ہوں گے تو کیا نہیں ہو گا
دوست دشمن سبھی یہیں ہوں گے
جب اُٹھیں گے گماں سے کچھ پردے
ڈگمگاتے ہوئے یقیں ہوں گے
خاک سے ہی خمیر اٹھا تھا
خاک میں ہی کہیں نشیں ہوں گے
داستاں کوئی لکھ رہا ہو گا
ہم بھی اظہر، کہیں کہیں ہوں گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?