By: رعنا تبسم پاشا
دیس بدیس در بدر دل کے داغ چھپائے پھروں
آنکھ کے سُونے درپن میں آس کی جوت جگائے پھروں
ٹوٹ گئی خوشیوں کی مالا بکھرے موتی کیسے سمیٹوں
ہار کے غم کی بازی میں موت کو گلے لگائے پھروں
تیرے روپ کی برکھا نے کتنے ہی دل سلگائے ہیں
میں پُروا کا پہلا جھونکا بن کر تجھ کو ساتھ اڑائے پھروں
جگ کی اندھیری راہوں میں جگنو بن کر چمکے جاؤں
جفا پرستوں کی محفل میں وفا کی شمع جلائے پھروں
میں پریم روگی مجھے لاگ لپیٹ سے کام بھلا کیا؟
تُو کلیوں جیسی کومل کنیا آخر کتنا خود کو بچائے پھروں؟
اِدھر بھی ہو نظر کرم رعنا! میں در تیرے سے لوٹوں تو
اِک عالم سرشاری میں یہ زمیں سر پہ اٹھائے پھروں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?