By: muhammad nawaz
آنکھ نے تم کو اک نظر دیکھا
دل نے پھر تم کو عمر بھر دیکھا
جسم رلتا رہا صحراؤں میں
روح کو تیری بام پر دیکھا
جب بھی مشکل کوئی درپیش ہوئی
سوچ نے بس تمہارا دردیکھا
دار کو چومنا ہی رہتا تھا
تیری راہوں میں وہ بھی کر دیکھا
جو کبھی راستوں کی منزل تھے
انہی قدموں کو در بدر دیکھا
ایک صورت ذہن میں لہرائی
جب بھی سوچوں کو منتشر دیکھا
اپنی ناؤ کی خستگی دیکھی
تیری آنکھوں کا سمندر دیکھا
تیرے ہونٹوں کو بہت یاد کیا
جب کوئی لرزتا ساغر دیکھا
تیری بے اعتنائی یاد آئی
خواب رستوں کو منتظر دیکھا
تیری محفل سے کیا اٹھا اک میں
جسکو دیکھا بچشم تر دیکھا
تیرے شعروں کو بار بار پڑھا
اپنے ادراک کا سفر دیکھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?