By: maqsoo hasni
مغرب جب سے ہمارا خدا ہوا ہے
دشمنوں میں ہر چند اضافہ ہوا ہے
ہر کوئی حصول زر میں لگا ہوا ہے
دوست بھی دشمن کا ہم نوا ہوا ہے
عیش و طرب کی خاطر آج ابن آدم
قرض کے جہنم کا ایندھن بنا ہوا ہے
مرے دور کے بےحس انسانوں نے
خودی بیچ دینے کا عہد کیا ہوا ہے
ظالم عزت و توقیر کا مستحق ٹھہرا ہے
مظلوم پا بہ زنجیر رکھا ہوا ہے
کون بولے اس بےحجاب حمام میں
ہر کسی کے منہ میں زیرہ بھرا ہوا ہے
بوری کے اندر کیا ہے کوئی کیا جانے
بوری کا منہ ٹھیک سے سلا ہوا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?