By: سید مجتبی داودی
عشق کامل کہاں سے لے آتے
غم کا حاصل کہاں سے لے آتے
بحر کی انتہا ہی کر دی ہے
ورنہ ساحل کہاں سے لے آتے
زندگی سہل گر بنا دیتا
کوئی مشکل کہاں سے لے آتے
شہر کا شہر ہی رقیب جاں تھا
کوئی عادل کہاں سے لے آتے
تم جو خنجر نکالتے شاعر
دست قاتل کہاں سے لے آتے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?