By: ZIA ULLAH TAHIR
زاد راہ ہے نہ اسباب میرے پاس
فقط ہے دل بے تاب میرے پاس
پیش کروں کیا ، در سرکار میں
کچھ بھی نہیں ، جناب میرے پاس
درد ہجر و فراق میں بہائے ہوئے
اشکوں کے ہیں در نایاب میرے پاس
لے کے آ گیا ہوں ، شاہ کائنات
گناہوں کی تھی جو کتاب میرے پاس
کروں گا کیسے روز محشر سامنا
سوالوں کا نہیں کوئی جواب میرے پاس
چھپاؤں گا کیونکر شرم سے منہ طاہر
نہیں ہے کوئی بھی حجاب میرے پاس
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?