By: farah ejaz
مشکل راستوں پر
وہی چل پاتے ہیں
جن کا یقین اٹل ہوتا ہے
وہ خود سے زیادہ
اس پر بھروسہ کرتے ہیں
اسی کے نام سے
آغاز زندگی کرتے ہیں
اسی کے نام پر
انجام زندگانی تمام کرتے ہیں
مشکل راستوں پر
وہی چل پاتے ہیں
جو سر پر کفن باندھ کر
بے دھڑک آگ میں کود پڑتے ہیں
انجام کی فکر نہیں
دنیا کی کبھی پرواہ نہیں
بس حد سے گزر جاتے ہیں
دنیا پرست لوگوں میں
اجنبی بن کر
ایک مسافر کی طرح
زندگی تمام کرتے ہیں
مشکل راستوں پر
وہی چل پاتے ہیں
جو حق کے لئے
زمانے سے ٹکرا جاتے ہیں
یہ گنے چنے غازی
یہ خاص بندے
اللہ کے لشکر کے
یہ ادنیٰ سپاہی
مشکل راستوں پر
چلنے کا
آگے بڑھنے کا
حوصلہ رکھتے ہیں
یہ غازی
یہ پرسرار بندے
اللہ کے محبوب ہوتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?