By: ناظم زرسنر
گرچہ پہلے مچل گئے ہوں گے
چوٹ کھا کر سنبھل گئے ہوں گے
خط مرے اُس نے جب جلائے ہوں گے
ہاتھ اُس کے بھی جل گئے ہوں گے
کیوں کہ آدم کی پشت میں سے ہیں
ہم بھی یا رب! پھسل گئے ہوں گے
اُن کتابوں کو کھا گئی دیمک
پھول بھی ساتھ گل گئے ہوں گے
بعد مُدَّت کے واپسی ہو گی
کتنے چہرے بدل گئے ہوں گے!
چلتے چلتے تمھارے رستے میں
پاؤں میرے ہو شل گئے ہوں گے
کون سی بات یاد رہتی ہے؟
اُن سے ملنے بھی کل گئے ہوں گے!
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?