By: Shaheen Mughal
جنوں کی راہ میں نکلی ہوں
انجام سے بے خبر
راستہ بھی پر خطر
گہری کھائیاں
دہشت کی ہر
سمت پرچھائیاں
کالی راتیں
ادھورے قصے
ادھوری باتیں
گھپ اندھیرا
جگنو نہ سویرا
نہ چھاؤں الفت کی
نہ کوئی محبوب میرا
یہ دل گھائل ، گھائل
پھر بھی امید کا قائل
روپ نہ کوئی دھوپ
ہر طرف گہرا سکوت
دکھائی دیتا لمبا سفر
نہیں کوئی ہمدم
نہ سایہ نہ ہی
کوئی شجر
جل رہی ہوں
ہر لمحہ ہر پہر
نہیں پتہ یہ کونسا
ھے نگر ؟
چلنے لگی کس ڈگر
آ گئی ہوں کس
جہان میں۔
پڑ گئی ہوں کس
امتحان میں۔
شاہین!کیسا ہے یہ سفر
کرنا پڑتا بس صبر،بس صبر
اے دل نہ کسی آزمائش
سے ڈر ۔
نہ سہم ، بن بہادر،
جان لو یہ کونسی ہے راہ
حاصل کرنی ہےاک
پتھر دل کی چاہ
یہ دیوانگی کی ہے راہ
ہاں
یہ دیوانگی کی ہے راہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?