By: Muhammad Azam Azim Azam
پیشِ رب سر کو جھکاؤ آگئی شبِ برات
بگڑیاں اپنی بناؤ آگئی شبِ برات
گڑ گڑا کر اے مسلمانوں یقیں کے ساتھ اب
جو بھی مانگو رب سے پاؤ آگئی شبِ برات
ہے یہ بہتر پیشِ داور آنسوؤں سے آج تم
اپنے دامن کو سجاؤ آگئی شب ِ برات
سب مسلمانوں کی بخشش کی دعائیں مانگنا
خود کو بھی تم بخشواؤ آگئی شبِ برات
تم سے ہیں ناراض گر اچھا یہ موقع آگیا
باپ اور ماں کو مناؤ شب ِ برات
توبہ کرلو سر جھکاؤ پیشِ رب العالمین
خود کو دوزخ سے بچاؤ آگئی شبِ برات
کیا ہی اچھا ہو کہ ملکر ہیں نوافل جتنے بھی
خود پڑھو سب کو پڑھاؤ آگئی شب ِ برات
بخش دے گا پھر خدا تم کو یہ رکھنا سب یقیں
گھر کو جنت میں بناؤ آگئی شب ِ برات
فرض ہے تم پر یہ اعظم آج گمراہوں کو تم
راستہ حق کا دِکھاؤ آگئی شب ِ برات
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?