By: وشمہ خان وشمہ
یہ تو ملنے کا سلسلہ ہی نہیں
شہر جاں کا کوئی صلہ ہی نہیں
میرے پیچھے ہے ڈوبتا سورج
غم میں غمگین روکتا بھی نہیں
میری آنکھوں میں رت جگے ہیں مگر
میرے خوابوں سے رابطہ ہی نہیں
وہ جو رہتا ہے دل کی دھڑکن میں
اس کو اپنوں سے واسطہ ہی نہیں
اب جو مجھ سے خفا یہ قسمت ہے
پھر ترا کوئی پوچھتا ہی نہیں
منزل عشق پھر کہاں مشکل
استواری کا فیصلہ ہی نہیں
بس خدا کا ہی نام یاد رہے
خواہشوں کی کوئی دعا ہی نہیں
خود کو طوفاں میں آزمائیں ذرا
ساحلوں کا ہی راستہ ہی نہیں
خیر اوروں کے واسطے ہو سدا
اس کو اپنوں سے واسطہ ہی نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?