By: Dr Qamar Siddiqui
ہم صحیفہ ہیں نہ الہام کی صورت
اس سے منسوب ہیں الزام کی صورت
اپنا ہونا بھی عجب ہونا ہے
بزم ہستی میں ہیں دشنام کی صورت
آج بھی لات و منات و عزی
ہیں حقائق مگر اوہام کی صورت
اعتقادات کی روداد میں الله کا وجود
ہے تو شامل مگر ابہام کی صورت
شام ڈھلتے ہی نگاہوں میں اتر آتے ہیں
سارے موسم میرے گلفام کی صورت
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?