By: dr.zahid sheikh
ہے چمن کو ابھی امید بہار
بے قراری میں بھی ہے دل کو قرار
رات جی بھر کے رو لیا میں نے
کچھ تو کم ہو گیا یوں دل کا غبار
تجھ کو دیکھا تھا مدتوں پہلے
میری آنکھوں میں آج تک ہے خمار
تیری آواز سن رہا ہوں میں
دور کوئی بجا رپا ہے ستار
اس کڑی دھوپ میں سفر میرا
تیری راہوں میں سیکڑوں اشجار
اک وضاحت ہے سو وہ مشکل ہے
تو جو ملنے کو ہی نہیں تیار
وہ پشیمان ہو کے آ جائے
اس کے تو دور تک نہیں آثار
دل کے بدلے میں دل ہی دیتے ہیں
بس وفا میں یہی ہے کاروبار
ہیں یہ دونوں عزیز تر مجھ کو
اپنی تنہائی اور ترا انتظار
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?