By: حضرت شاھین اقبال اثر صاحب
کھانا جب بھی کھانا تم
کھانا جب بھی کھانا تم
دسترخوان بچھانا تم
بسم اللہ کے پڑھنے کو
ہرگز بھول نہ جانا تم
جو ہو سب سے زیادہ بزرگ
اس سے شروع کرانا تم
گر جائے جو نوالہ تو
اس کو اٹھا کر کھانا تم
سنت زندہ کرنے میں
ہرگز مت شرمانا تم
کھانا جب اک قِسم کا ہو
سامنے ہی سے کھانا تم
کھانے پینے کی خاطر
دایاں ہاتھ بڑھانا تم
ہاتھ کو دھونا گٹوں تک
جب بھی کھانا کھانا تم
ٹیک لگا کر مت کھانا
اکڑوں بیٹھ کے کھانا تم
اپنے اٹھنے سے پہلے
دسترخوان اٹھانا تم
کھانے کے بارے میں کبھی
شکوہ نہ لب پر لانا تم
رزق کا اس میں ہے اکرام
جوتے اتار کے کھانا تم
کھانے کے جو برتن ہیں
کر کے صاف اٹھانا تم
چاٹنا اپنی انگلی کو
نورِ سنت پانا تم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?