By: Sara Afzal
اک لمحہ بھی قریب وہ آیا نہیں مگر
چاہا تھا ایک شخص کو پایا نہیں مگر
سانسیں تھیں اس کے نام یہ دھڑکن بھی اس کے نام
اک پھول بھی وفا کا جو لایا نہیں مگر
اس دل میں وہ مقیم رہے گا تمام عمر
ہو کر کسی کا بھی جو پرایا نہیں مگر
دل رو رہا ہے یاد میں اس کی تو دیر سے
آنکھوں سے اشک کوئی گرایا نہیں مگر
رسوائیوں کا خوف اگرچہ ہے اسقدر
دل میں جو پیار ہے وہ چھپایا نہیں مگر
دنیا کے کام سے نہ ملی مجھ کو فرصتیں
سارہ کسی کا پیار بھلایا نہیں مگر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?