By: وشمہ خان وشمہ
جس سے گر عشق کا اظہار نہیں ہو سکتا
وہ مرے من کا بھی سردار نہیں ہو سکتا
جو چراتا ہے کسی اور کے شعر و نغمے
وہ محبت کا کلا کار نہیں ہو سکتا
رات کی آنکھ میں سپنے ہیں سکوتِ شب کے
آج دل خواب سے بیدار نہیں ہو سکتا
پھر کسی غیر کی بانہوں میں محبت دے دوں ؟
یہ گنہ مجھ سے تو دو بار نہیں ہو سکتا
یہ سجائی تھی ترے پیار میں بزمِ الفت
پر تو اردو کا وفادار نہیں ہو سکتا
"فیس بک ٹائم" پہ ملتے ہیں دوبارہ جاناں!
بزمِ اشعار سے انکار نہیں ہو سکتا
اتنا پیتے ہیں یہاں جام سے جامِ وشمہ
میری آنکھوں سا تو دربار نہیں ہو سکتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?