By: عبدالحفیظ اثر
کبھی ظلمتوں کے پیچھے کوئی روشنی بھی آئے
یہ گھٹا جو غم کی چھائی نہ تو جاودانی پائے
ہے طویل آرزو بھی نہ خبر کسی کو پل کی
کہ چراغ کوئی جلتا کبھی پل میں بجھ بھی جائے
یہ جو زندگی ہے اپنی یہ تو جیسے بلبلا ہو
جو پلک جھپکتے نکلے تو کبھی بھی ڈوب جائے
کوئی شاہ ہے جہاں میں تو گدا بھی ہے کوئی
یہ جو زندگی بھلی ہو یا بری بھی بیت جائے
ہوئے نامور بھی کیسے وہ سکندر یا ہو پورس
نہ کبھی بھی اپنی حسرت کوئی پوری کر دکھائے
جو خلوص ہو عمل میں تو عمل کا وزن بھاری
نہ خلوص ہو عمل میں تو عبث سعی ہوجائے
یہی اثر کا ہر لمحہ تو ہو ان کی جستجو میں
ہر گھڑی ہو قیمتی بھی جو سدا ہی سکھ دلائے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?