By: ZIA ULLAH TAHIR
مے خانے سارے میرے ہیں
پیمانے سارے میرے ہیں
بہاریں ساری تیری ہیں
ویرانے سارے میرے ہیں
حرم تجھے مبارک سارے
بت خانے سارے میرے ہیں
گرتی ہیں جہاں بجلیاں
آشیانے سارے میرے ہیں
سکوں سے رہے جو نا آشنا
وہ زمانے سارے میرے ہیں
رنگ نہیں جن میں کوئی
وہ فسانے سارے میرے ہیں
خلوص نہیں تام کو جن میں
وہ یارانے سارے میرے ہیں
بنے پھرتے ہیں جو مہرباں طاہر
جانے پہچانے سارے میرے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?