By: Shabbir Nazish
اپنی آنکھوں میں ترے خواب سجانے والا
اب یہاں کوئی نہیں تجھ کو منانے والا
کیا سے کیا اب ترے حالات ہوئے جاتے ہیں
وقت اچھا نہیں لگتا مجھے آنے والا
میرے محبوب تُو لیلٰی کی لڑی سے نہ سہی
پر مرا عشق ہے مجنوں کے گھرانے والا
میں نا کہتا تھا بدل جائے گا آخر تُو بھی
بھا گیا ہے نا تجھے رنگ زمانے والا
چھوڑ جاتے ہیں سبھی راہ میں ، لیکن مرے یار!
یوں بھی جاتا ہے کوئی چھوڑ کے جانے والا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?