By: AzharM
بتوں کو ہم خُدا کہتے رہے ہیں
خُدا جانے یہ کیا کہتے رہے ہیں
ملمع تھا، اُترنے پر ہی جانا
جفا کو بھی وفا کہتے رہے ہیں
وہی آخر ہمارے کام آیا
جسے اکثر بُرا کہتے رہے ہیں
اُنہیں کیا تھی خبر، ہم ایک ہی تھے
تُمہیں مجھ سے جُدا کہتے رہے ہیں
ہمیں کیسے نہ مل پائے گی بخشش
نہیں اُس کے سوا کہتے رہے ہیں
اُسے بس اک ٹھکانے پر نہ ڈھونڈو
ہے ہر سو جا بجا کہتے رہے ہیں
کسی قابل نہیں، ہے دین اُس کی
کہ اظہرؔ بھی سنا کہتے رہے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?