By: muhammad nawaz
تماشہ عشق کا دیکھا کرو گے
ذرا سی جان ہے کیا کیا کرو گے
ابھی باریک باتوں کو نہ چھیڑو
کھلونے توڑ کے رویا کرو کے
دن میں آئے گا نہ سکون تجھے
رات بھر سوچ میں تڑپا کرو گے
یوں سرابوں میں بکھر جاؤ گے
ندی میں چاند کو ڈھونڈا کرو گے
جگنوؤں سے کبھی مانگو گے سورج
تتلیوں کو کبھی پکڑا کرو گے
خود فریبی تمہیں اچھی لگے گی
آئینے سے کبھی روٹھا کرو گے
کرو گے باتیں پھر کتابوں سے
رات بھر ڈائری لکھا کرو گے
کسی کے نام کی لکھ کر نظمیں
شدت آس میں چوما کرو گے
لگے گا دل کہاں پھر دوستوں میں
یوں اپنے آپ کو تنہا کرو گے
نظر کے پیش وہ راہیں ہی ہونگی
کوے منڈیر پہ دیکھا کرو کے
حنا کی خوشبوئیں بے چیں کریں گی
گزرتے وقت سے شکوہ کرو گے
ابھی تاروں ۔ گلوں ۔ کلیوں سے کھیلو
کٹھن باتوں میں پڑ کے کیا کرو گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?