By: Syed Iftikhar Ahmed Rashk
شوقِ وفا تھا خوب سو چاہت میں کر گئے
کوئی نہ کرسکا وہ محبت میں کر گئے
یہ نہ گمان ہو کہ شرافت میں کر گئے
سہنے کا ظلم کام جہالت میں کر گئے
ہم نے عداوتوں میں بھی انصاف کو رکھا
وہ عدل سے بھی ظلم عدالت میں کر گئے
لاشے گرا گرا کے جو کرتے رہے دغا
تم اُن کو ووٹ دے کے حکومت میں کر گئے
برساتی مینڈکوں کا ہجوم آ گیا ہے پھر
یہ ہی ہیں قوم کو جو مصیبت میں کر گئے
رہبر تھے جو شہید انہیں کردیا گیا
سب وقفِ قوم اپنا سخاوت میں کر گئے
دریا تو ہیں بہت مگر پیاسی آبادیاں
زر آب سے ہو پیدا یوں قلّت میں کر گئے
رہبر دغا کریں تو لگے قوم کو دعا
ظالم خطا وہ ہوشِ بصارت میں کر گئے
لاکھوں سروں کے ڈھیر کو مینار نہ کیا
دانستہ ایک بھول ہلاکت میں کر گئے
بیروزگاری، لاشیں، مہنگائی، فرطِ زر
کیا کیا برا نہ رسوا سیاست میں کرگٸے
یورینیم، سمندر و دریا بھی ہیں مگر
اکّیسویں صدی میں بھی ظلمت میں کرگئے
جو کام رہبروں نے یہاں کردیا ہے رشک
دنیا میں کون لوگ قیادت میں کر گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?