By: سعید راہی
غم سود و زیاں سے خود کو جو آزاد رکھتا ہے
کوئی موسم بھی ہو دل کو ہمیشہ شاد رکھتا ہے
کوئی بھی حال ہو شکوے گلے کرتا ہے جو سب سے
کبھی ہونٹوں پہ نالے اور کبھی فریاد رکھتا ہے
ذرا سی چوک پر تنقید کی قینچی چلانے کو
مرے شعروں پہ نظریں گاڑ کے نقاد رکھتا ہے
کسی پیاسے کو پانی سے کبھی محروم مت کرنا
یہ ایسا کام ہے جس کو فقط جلاد کرتا ہے
میسر ہے سکون دل کی دولت اس کو دنیا میں
خدا کی یاد سے جو اپنا دل آباد رکھتا ہے
لگا دیتے ہیں بازی جان کی جو حق پرستی میں
زمانہ ایسے لوگوں کو ہمیشہ یاد رکھتا ہے
ابھی جو سنگ باری ہو رہی ہے وقت کے ہاتھوں
سعیدؔ اس واسطے اپنا جگر فولاد رکھتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?