By: Dr. Muhammed Husain Mushahi Razvi, Malegaon
پھر سے دیکھیں ہم مدینہ یارسولِ ذوالمنن
عرض ہے باصد قرینہ یارسولِ ذوالمنن
سب خیالاتِ غلط ہوں دور ہم سے یاخدا!
سینہ بن جائے مدینہ یارسولِ ذوالمنن
پار کردیجے خدارا ، ناخداے بے کساں
کہ بھنور میں ہے سفینہ یارسولِ ذوالمنن
دربدر ہیں خوار آقا نام لیوا آپ کے
ہم پہ برسادیں سکینہ یارسولِ ذوالمنن
میں سراپا غرقِ عصیاں ہو ، کرم فرمائیے
ہو بھلا مجھ سا کمینہ ، یارسولِ ذوالمنن
ہو بقیعِ پاک میں آقا مجھے مدفن عطا
عرض ہے باصد قرینہ یارسولِ ذوالمنن
پھر سے طوفِ کعبہ کردیجے مُشاہدؔ کو نصیب
دیکھوں میں نوری خزینہ یارسولِ ذوالمنن
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?