By: اظہر اقبال
دل کی گلی میں چاند نکلتا رہتا ہے
ایک دیا امید کا جلتا رہتا ہے
جیسے جیسے یادوں کہ لو بڑھتی ہے
ویسے ویسے جسم پگھلتا رہتا ہے
سرگوشی کو کان ترستے رہتے ہیں
سناٹا آواز میں ڈھلتا رہتا ہے
منظر منظر جی لو جتنا جی پاؤ
موسم پل پل رنگ بدلتا رہتا ہے
راکھ ہوئی جاتی ہے ساری ہریالی
آنکھوں میں جنگل سا جلتا رہتا ہے
تم جو گئے تو بھول گئے ساری باتیں
ویسے دل میں کیا کیا چلتا رہتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?