By: dr.zahid sheikh
یہ جو میرے جاگتے میں خواب ہیں
جینے کے تو بس یہی اسباب ہیں
خواب کی دنیا بظاہر کچھ نہیں
میرا اس دنیا سے باہر کچھ نہیں
یہ جہاں بس سیم و زر کا ہے جہاں
اس جہاں میں ایک شاعر کچھ نہیں
گو کہ گوہر یہ بہت نایاب ہیں
یہ جو میرے جاگتے میں خواب ہیں
تیری چاہت میں نہیں کوئ کمی
پھر بھی تنہا کیوں ہے میری زندگی
تجھ سے مل کے بھی نہ جانے کس لیے
مجھ کو رہتی ہے عجب سی تشنگی
آرزوئیں کس قدر بے تاب ہیں
یہ جو میرے جاگتے میں خواب ہیں
جینے کے تو بس یہی اسباب ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?