By: Arib Hashmi
دل ہی دل ہو گئے دلدار میرے رستے میں
اب تو بکتے ہیں خریدار میرے رستے میں
وقفے وقفے سے جو اک بھیڑلگی رہتی ہے
منتظر ہوتے ہیں سردار میرے رستے میں
اپنے سر پر جسے یہ لوگ سجائے رکھیں
پڑی رہتی ہے وہ دستار میرے رستے میں
ایک ہی جست میں تجھ تک میں پہنچ سکتا ھوں
تیرے گھر کی ہے جو دیوار میرے رستے میں
شہر سے دور کہیں دشت میں جانا چاہوں
لیکن آجاتا ہے بازار میرے رستے میں
جیسے ہی مجھ کو مسیحا ہوں سمجھتے آرب
پڑے رہتے ہیں یہ بیمار میرے رستے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?