By: muhammad nawaz
یہ بندھن توڑ سکتی ہو
مجھے تم چھوڑ سکتی ہو
ہمارے درمیاں جاناں
رواجوں کی ہیں دیواریں
کہ جیسے آگ کا دریا
کہ جیسے ننگی تلواریں
یہ گل کھلنے نہیں دیں گی
ہمیں ملنے نہیں دیں گی
تمہارے سامنے جاناں
رخ فردا ہویدا ہے
میرے دامن میں ہے ہی کیا
سوائے چند خوابوں کے
نہیں ہے ماسوا اس میں
فقط سوکھے گلابوں کے
یہ دیکھو بھیگتا دامن
اسے جنجھوڑ سکتی ہو
یہ بندھن توڑ سکتی ہو۔۔۔۔۔۔۔۔۔۔۔۔۔۔۔۔۔۔۔۔
ہوائیں تیز ہیں جاناں
زہر آمیز ہیں جاناں
ہیں ننگے پاؤں چاہت کے
ڈری سہمی محبت کے
تپے صحرا کی وحشت ہے
تیری نازک طبیعت ہے
مہاریں وقت کی جاناں
ہیں تمہارے ہی ہاتھوں میں
انہیں تم موڑ سکتی ہو
یہ بندھن توڑ سکتی ہو۔۔۔۔۔۔۔۔۔۔۔۔۔۔۔۔۔
یہ قصہ ہے عذابوں کا
بہت ظالم چنابوں کا
حقیقت ہر اجاگر ہے
سمے کا بہتا ساگر ہے
تہمارے ہاتھ میں جاناں
یہ اک کچی سی گاگر ہے
بجائے ڈوب جانے کے
کنارے پر ہی جاں میری
یہ گاگر پھوڑ سکتی ہو
مجھے تم چھوڑ سکتی ہو۔۔۔۔۔۔۔۔۔۔۔۔۔۔۔۔۔۔۔۔
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?